Энергетика министри тарифтин жыл сайын көтөрүлүшүнүн себебин түшүндүрдү. Анын сөзүнө караганда, тарифтен түшкөн бардык каражат энергосистеманы реконструкциялоого, курууга жана модернизациялоого жумшалат.
Министрдин баяндоосу боюнча, эки-үч жыл мурун жабдыктардын болжол менен 80 пайызы эскирген болсо, азыр бул көрсөткүч 65-70 пайызга чейин төмөндөгөн.
Жабдыктардын эскирүү деңгээли
80%мурунку эскирүү көрсөткүчү
65-70%учурдагы эскирүү көрсөткүчү
Министр жабдыктарды жаңылабаса, алар мындан ары эскирип, кийин системаны калыбына келтирүү дагы кыйла кыйын болуп калаарын белгиледи.
Тарифтик саясат 2030-жылга чейин күчүндө
Учурдагы тарифтик саясатка ылайык, 2030-жылга чейин электр энергиясынын баасы жыл сайын болжол менен 15 пайызга көтөрүлөт.