Ички иштер министрлиги маалымдагандай, соңку күндөрү өлкөдө алдамчылык окуялары кыйла көбөйгөн. Ведомство бул тууралуу расмий түрдө эскертүү жасады.
ИИМдин билдирүүсүнө ылайык, алдамчылар көбүнчө бейтааныш же аз тааныш адамдардын түрдүү кызматтарды сунуштоо аркылуу иш алып барышат. Мисалы, чет өлкөдөн унаа сатып алып, жеткирип берүү, чет элдик инвестициялык долбоорлорго катышуу, финансылык операцияларда ортомчулук кылуу, жумушка орноштуруу жана акча берүүгө байланышкан башка келишимдерди сунуштоо аркылуу адамдарды алдап кетишет.
ИИМ эмнеге чакырат
- Бейтааныш адамдардын сунуштарына шек менен мамиле кылуу
- Акча которуудан мурун маалыматты кылдат текшерүү
- Инвестиция же унаа сатып алуу боюнча шектүү сунуштарга ишенбөө
- Финансылык операциялардагы ортомчулардан этияттануу
Министрлик жарандарды акча которуудан мурун сунушталган кызматтардын чынчылдыгын текшерип, шектүү учурлар боюнча тийиштүү органдарга кайрылууга чакырды.