Талаптын мазмуну
Кыргызстанда катталган бардык юридикалык жактар мамлекеттик органдарга өздөрүнүн акыркы бенефициар ээлери тууралуу маалымат тапшырышы керек. Бул үчүн белгиленген мөөнөт — 1-август. Талап бардык уюмдарга, алардын иштин түрүнө карабастан, бирдей колдонулат.
Талап эмне үчүн киргизилди
Жаңы эреже акча жуулушуна жана террористтик ишмердикти каржылоого каршы күрөштүн системасын күчөтүү максатында иштелип чыккан. Мындай кадам аркылуу мамлекет компаниялардын артында чын мененде ким турганын так билүүгө умтулат, анткени көбүнчө компаниянын расмий ээси менен чыныгы кызыкдар адам дал келбей калат.
Ошондой эле бул чара Кыргызстандын мыйзамдарын финансылык мониторинг жагындагы эл аралык стандарттарга ылайыкташтыруу процессинин бир бөлүгү болуп саналат.