Улуттук коопсуздук мамлекеттик комитети (УКМК) Баткен облусундагы Өзбекстан менен чектешкен мамлекеттик чекарадагы эки өткөрүү пунктунда — «Кадамжай-автожол» жана «Чечме-автожол» пункттарында атайын рейдик иш-чараларды жүргүздү.
Ишенимдүү маалымат булактарына таянган Sputnik Кыргызстан агенттигинин билдирүүсүнө ылайык, рейддин жүрүшүндө коррупцияга шектелген бир нече тарамдын кызматкерлери кармалган.
Ким кармалды
- Бажы кызматкерлери
- Ветеринария кызматынын кызматкерлери
- 20дан ашык Чек ара кызматынын кызматкери
Маалымат боюнча, Кадамжайда кармалган чек арачылардын баары УКМКнын Баткен облусу боюнча башкармалыгына алынып барылды. Иш боюнча кошумча маалымат азырынча жарыяланган эмес.