Кыргызстанда мурда болбогон, сейсмоизоляциялык компоненттерди чыгарган биринчи завод Бишкекте курулуп жатат. Бул тууралуу маалымат курулуштун жүрүшүн көзөмөлдөгөн иш-чара учурунда белгилүү болду.
«Ачык кабинет» долбоору боюнча журналисттер курулуш, архитектура жана турак-жай коммунальдык чарба министри Нурдан Орунтаев менен бирге бул объектке чыккан. Алар заводдун курулуш процесси менен жеринде таанышты.
Жаңы завод өлкөдө курулуп жаткан жана буга чейин курулган имараттардын сейсмикалык туруктуулугун жогорулатуу максатында иштеп чыгарылган компоненттерди чыгарууга багытталган. Бул Кыргызстан үчүн жаратылыш кырсыктарына каршы даярдыкты бекемдөөгө өбөлгө түзөт.