Ош шаарындагы Тейлөө борборунун (ЦОН) кире беришинде жарандар ортосунда чыр-чатак, түрткүлөшүү жана эзилүү болгону тууралуу видео тарады. Окуя тууралуу маалымат аны түшүргөн адамдын социалдык тармактарда таратылган видеосунан белгилүү болду.
Видеонун авторунун айтымында, кезекте турган адамдар эшиктин алдында кезекте турушкандар боюнча тизме түзүшкөн. Бирок эшик ачылганда, ошол тизмеге карамастан, адамдар кезексиз ичкери жапырт кирип кетишкен.
Ушундай тартипсиздиктин айынан пайда болгон эзилүүдө кош бойлуу аялдар менен кичине балдар зыян тартып кала турган абалда болгонун видеонун автору белгилейт.